प्रिय मित्र प्रीतेश यास,
वाढदिवसाच्या अनंत शुभेच्छा !
खूप प्रयत्न केला, करतोय, पण आपण पहिल्यांदा कधी भेटलो हे आठवतच नाहीये ! मात्र एकत्र मिळून केलेली धमाल नाही विसरू शकत...
खगोल मंडळ, बुधवारी सायनला लायब्ररीत भेटणे, वांगणीचे कार्यक्रम, बदलापूरचे कार्यक्रम, आणि मुंबईबाहेरचेही कार्यक्रम, टेलीस्कोप खांद्यावर घेऊन कुठे कुठे फिरलो !
इंटरनॅशनल अॅस्ट्रॉनोमी ऑलिम्पियाडचे पंधरा एक्स्पर्ट इग्झामिनर्स, आणि ते होण्यासाठी केलेली रात्र-रात्र प्रॅक्टिस आणि त्या जीएमआरटीच्या मोठाल्या डिशेस...
तू एमएससीला असताना केलेला राजमाचीचा ट्रेक. रात्रीच्या अंधारातून वाट काढत माचीवर पोहोचताना झालेली पहाट; आणि पुण्यात परतल्यावर तीन-चार दिवस विद्यापीठातल्या हॉस्टेलवरचा मुक्काम.
नंतर तू आयुकात आल्यावर तुझ्या रूमवर रहायला यायचो, फुकटचं इंटरनेट वापरायचो, तिथल्या कॅन्टीनमध्ये तुझा गेस्ट म्हणून जेवायचो !
मग तू मुंबईला एचबीसीएसईमध्ये गेलास. त्यानंतर भेटलो ते दोन वर्षांपूर्वीच्या आयपीएचओमध्ये ! इमॅजिकाला जी धमाल केलेली, भेंडी ! नायट्रो, स्क्रीम मशीन, डेअर टू ड्रॉपमधून गोल्ड रशची ट्रेन बघताना काय फाटलेली तुझी !
दहा दिवस रोज परतल्यावर फाईव्ह स्टार हॉटेलचं जेवण, इतके वेगवेगळे डेझर्ट्स मी आयुष्यात कधी खाल्ले नसावेत ! बहुतेक तुझ्यामुळेच !!
आणि आत्ता काही महिन्यांपूर्वी तुझ्या घरी आल्यावर तू बनवलेलं पाणचट कोकम सरबत ! आणि अजून खूप आठवणी ...
खरंच एवढी वर्षं झाली पण !?
इतके पावसाळे संपले पण !?
आणि एवढे मोठे झालो पण !?
...
की आहोत अजूनही लहान !?
वांगणीतल्या त्या शाळेच्या मैदानावर लाल टॉर्च घेऊन,
ताऱ्यांच्या नकाशात एखादा मेसिअर शोधत !?